కొంతకాలంగా అదృశ్యమైన శ్రీవర్షిణి అనే యువతి ఇప్పుడు కుటుంబానికి చేరుకుంది. గుజరాత్‌లో ఓ లేడీ అఘోరీ చెరలో ఉన్న ఆమెను గుర్తించి, పోలీసులు స్పెషల్ ఆపరేషన్ చేపట్టారు. మంగళగిరి పోలీస్ స్టేషన్‌లో ఆమె తల్లిదండ్రులు చేసిన ఫిర్యాదు ఆధారంగా విచారణ ప్రారంభమైంది. పలు రోజులు గాలించిన అనంతరం, గుజరాత్‌లో ఓ పెట్రోల్ బంక్ దగ్గర శ్రీవర్షిణిని అఘోరీతో కలసి గుర్తించారు. వెంటనే అక్కడికి వెళ్లిన పోలీస్ బృందం ఇద్దరిని అదుపులోకి తీసుకుని శ్రీవర్షిణిని సురక్షితంగా బయటకు తీస్కోచ్చారు. ఆ తరువాత ఆమెను తల్లిదండ్రులకు అప్పగించి, గుంటూరుకు తరలించారు. ఈ ఘటన రాష్ట్రవ్యాప్తంగా సంచలనం సృష్టించింది.
అఘోరీ మాయలో పడిన యువతి
శ్రీవర్షిణి కొంతకాలంగా ఇంటి నుంచి వెళ్లిపోయినట్టు తల్లిదండ్రులు తెలిపారు. ఆమెను గల్లంతైనట్టుగా భావించిన వారు, లేడీ అఘోరీ మాయలో ఆమె పడిపోయిందని అనుమానం వ్యక్తం చేశారు. మానసికంగా భిన్నంగా ప్రవర్తిస్తూ, అఘోరీ చెప్పిన మాటల ప్రభావంతో జీవిస్తోందని వారు పేర్కొన్నారు. శ్రీవర్షిణి చూపులో భయం, గందరగోళం కనిపించిందని అన్నారు. తమ కుమార్తెపై ఏదైనా ప్రభావం వేసి దూరం చేశారని భావించిన తల్లిదండ్రులు, కన్నీటి గళంతో మంగళగిరి పోలీసులకు ఫిర్యాదు చేశారు. దీనితోనే ఈ ఘటనపై పోలీసులు విచారణ ప్రారంభించారు.
గుజరాత్‌లో రహస్యంగా నివాసం
శ్రీవర్షిణి అఘోరీతో కలిసి గుజరాత్‌లో ఓ పెట్రోల్ బంక్ సమీపంలో నివాసం ఉంటూ కనిపించారు. పోలీసులు రాత్రి ఆ ప్రాంతంలో తనిఖీలు నిర్వహించి, నిద్రలో ఉన్న వారిద్దరిని అదుపులోకి తీసుకున్నారు. శ్రీవర్షిణిని కంట్రోల్‌లోకి తీసుకుని వెంటనే గుంటూరుకు తరలించేందుకు చర్యలు చేపట్టారు.
విష్ణు పాత్రపై అనుమానాలు
ఈ ఘటనలో మరో ఆశ్చర్యకర మలుపు విష్ణు వ్యవహారంగా మారింది. అతను శ్రీవర్షిణి సోదరుడినని చెప్పుకుంటూ వచ్చాడు. కానీ, ఇదే విష్ణు లేడీ అఘోరీకి తన సోదరిని పరిచయం చేశాడనే ఆరోపణలు తెరపైకి వచ్చాయి. ఇప్పుడు అతని ప్రవర్తనలోని అనుమానాస్పద అంశాలపై పోలీసులు దర్యాప్తు కొనసాగిస్తున్నారు. అతడు నిజంగా కేర్‌టేకరా? లేక ఈ కుట్ర వెనుక ముఖ్యపాత్రధారుడా? అనే ప్రశ్నలు తలెత్తుతున్నాయి.
లేడీ అఘోరీ వీడియో.. నిరసన
పోలీసులు శ్రీవర్షిణిని తీసుకెళ్లే సమయంలో, లేడీ అఘోరీ ఓ వీడియో తీసి సోషల్ మీడియాలో షేర్ చేసింది. తనను బలవంతంగా శ్రీవర్షిణి నుంచి వేరు చేస్తున్నారని ఆమె ఆరోపించింది. అంతేకాదు, ఇకపై శ్రీవర్షిణికి ఏదైనా జరిగితే తాను బాధ్యత వహించనని స్పష్టం చేసింది. ఈ వ్యాఖ్యలు మరింత కలకలం రేపుతున్నాయి.
శ్రీవర్షిణి తల్లిదండ్రులు తమ కుమార్తెను తిరిగి కలవగలిగిన సంతోషం వారి కన్నీళ్ల రూపంలో బయటపడింది. ఎంతో కాలంగా గుండెల్లో కుదిపిన బాధను పోలీసులు సాహసోపేతంగా తొలగించారు. గుజరాత్ వెళ్లిన మంగళగిరి పోలీసుల స్పెషల్ టీమ్‌కి ప్రజలు అభినందనలు తెలుపుతున్నారు.
భవిష్యత్తు ప్రశ్నార్థకం
శ్రీవర్షిణి ప్రస్తుతం మానసికంగా స్థిరంగా లేని స్థితిలో ఉన్నట్టు సమాచారం. ఆమెను కౌన్సిలింగ్‌కు తరలించనున్నట్టు తెలిసింది. ఈ సంఘటన తర్వాత ఆమె జీవితంలో ఎలాంటి మార్పులు వస్తాయో అన్నది గమనించాల్సిన విషయమే. ఇక విష్ణు పాత్రపై పూర్తి విచారణ అనంతరం వాస్తవాలు వెలుగులోకి రావాల్సి ఉంది.
READ ALSO: Chandrababu: రాష్ట్ర ప్రజలందరికీ శ్రీరామ నవమి శుభాకాంక్షలు తెలిపిన చంద్రబాబు
అమరావతి: వైసీపీ సోషల్ మీడియా కార్యకర్త వర్రా రవీందర్‌రెడ్డికి జగ్గయ్యపేట కోర్టు 14 రోజుల రిమాండ్‌ విధించింది. కడప కేంద్ర కారాగారంలో రిమాండ్‌ ఖైదీగా ఉన్న రవీందర్‌రెడ్డిని Read more
డిప్యూటీ సీఎం పవన్ కళ్యాణ్ ఇచ్చిన మాట నిలబెట్టుకుని తన రాజకీయ నిబద్ధతను మరోసారి చాటుకున్నారు. జనసేన పార్టీ ట్విట్టర్ వేదికగా ఈ విషయాన్ని హర్షించారు. 2018లో Read more
అమరావతి రాజధాని నిర్మాణానికి తిరిగి ప్రారంభించేందుకు ఏపీ ప్రభుత్వం భారీ స్థాయిలో ఏర్పాట్లు ప్రారంభించింది. మే 2న ప్రధాని నరేంద్ర మోదీ అమరావతికి విచ్చేసి రాజధాని పనుల Read more
ఏపీ డిప్యూటీ సీఎం పవన్ కళ్యాణ్ దీపావళి పండుగ సందర్భం గా ఒక ఆసక్తికరమైన ట్వీట్ చేశారు, ఇది ప్రస్తుతం సోషల్ మీడియాలో వైరల్ గా మారింది Read more