పాన్ ఇండియా సినిమా ట్రెండ్ మొదలైన కొత్తలో, మేకర్స్ ఎక్కువగా ప్రమోషన్లపైనే దృష్టి పెట్టేవారు. అప్పట్లో సినిమా ప్రమోషన్స్ అంటే కంటెంట్ కంటే ఎక్కువ హైప్ క్రియేట్ చేయడం మీద ఫోకస్ ఉండేది. అయితే, ఇప్పుడు పరిస్థితులు పూర్తిగా మారిపోయాయి. స్టార్ హీరోల ఇమేజ్, క్రేజీ కాంబినేషన్ల కారణంగా, ప్రమోషన్స్ లేకున్నా సినిమాలకు కావాల్సినంత పబ్లిసిటీ దక్కుతోంది. దాంతో, చాలామంది మేకర్స్ ఈ ప్రచార కార్యక్రమాలను కొంత లైట్ తీసుకుంటున్నారు. కానీ ఐకాన్ స్టార్ అల్లు అర్జున్ మాత్రం ఈ ట్రెండ్ను విరుద్ధంగా మళ్లీ పాత రోజులను గుర్తు చేస్తున్నారు.‘బాహుబలి’ సమయంలో కాళ్లకు చక్రాలు కట్టుకుని దేశమంతా తిరిగిన ప్రభాస్, ప్రస్తుతం మాత్రం తన సినిమాల ప్రమోషన్స్కు పెద్దగా ముందుకు రావడం లేదు.
ప్రభాస్ నటించిన పాన్ ఇండియా సినిమాలు ‘సలార్’, ‘కల్కి 2898-ఏడీ’ విషయంలో కూడా పెద్దగా ప్రచార హడావిడి కనిపించలేదు. కొన్ని కామన్ ఇంటర్వ్యూలు, ఒక్కసారి భారీ ఈవెంట్ చేసిన మినహా, పెద్ద ప్రమోషన్ ప్రోగ్రామ్స్ ఏమీ చేయలేదు. అయినప్పటికీ, ప్రభాస్ స్టార్డమ్ అటువంటి ప్రచారం అవసరం లేకుండా బాక్సాఫీస్ వద్ద బ్లాక్బస్టర్ విజయాలు సాధించింది.ఎన్టీఆర్ కూడా ట్రిపుల్ ఆర్ (RRR) సమయంలో ప్రపంచమంతా తిరిగాడు. కానీ, ‘దేవర’ విషయంలో మాత్రం అంతగా ప్రమోషన్ కార్యక్రమాల్లో పాల్గొనలేదు. తెలుగు రాష్ట్రాల్లో ఒక్క ఈవెంట్ ప్లాన్ చేసినా అది కార్యరూపం దాల్చలేదు. కానీ ‘దేవర’ కూడా భారీ విజయాన్ని నమోదు చేసింది.
ఇది తారక్కి మరో నమ్మకాన్ని ఇచ్చింది, అంటే, పబ్లిసిటీ లేకుండానే సినిమా విజయవంతం అవుతుందనే విషయాన్ని.ఈ ట్రెండ్ను బ్రేక్ చేసిన అల్లు అర్జున్ తన ‘పుష్ప 2’ కోసం విభిన్నమైన స్ట్రాటజీని అవలంబించారు. పాట్నా, చెన్నై, కొచ్చి వంటి నగరాల్లో వరుస ఈవెంట్లను ప్లాన్ చేస్తూ, తన సినిమా హైప్ను నిలబెట్టుకోవడంలో విజయవంతమవుతున్నారు.
పుష్పరాజ్ చేసే ప్రతి కార్యక్రమం అభిమానుల్లో కొత్త ఉత్సాహాన్ని నింపుతోంది. త్వరలో తెలుగు రాష్ట్రాల్లో నిర్వహించబోయే ఈవెంట్ను నెవర్ బిఫోర్ లెవల్లో ప్లాన్ చేస్తున్నారు.బన్నీ ఈ విధంగా ప్రమోషన్ ట్రెండ్ను రీస్టార్ట్ చేయడంతో రామ్ చరణ్ కూడా అదే పంథాను అనుసరించే ఆలోచనలో ఉన్నారు. ప్రస్తుతం ఆర్సీ 16 షూటింగ్లో బిజీగా ఉన్న చరణ్, ‘గేమ్ చేంజర్’ సినిమాను భారీ స్థాయిలో ప్రమోట్ చేయడానికి సిద్ధమవుతున్నారు. స్టార్ హీరోలు మళ్లీ ప్రచార కార్యక్రమాల్లో పాల్గొనడం చూసి అభిమానులు పండగ చేసుకుంటున్నారు.
మొత్తానికి, పాన్ ఇండియా సినిమాలకు నేడు ప్రచారం అనేది కేవలం ప్రాధాన్యత ఇచ్చే అంశం మాత్రమే కాదు, అది సినిమాకు ఓ ప్రత్యేక స్థాయిని తీసుకొచ్చే హైలైట్గా మారుతోంది. బన్నీ పుష్ప 2 కోసం చేసిన ఈ ఆరంభం మిగతా స్టార్ హీరోలకూ కొత్త దారులు చూపిస్తుంది. మళ్లీ హీరోలు పబ్లిక్ ఈవెంట్స్లో సందడి చేస్తే అభిమానుల ఆనందం కొండంత అవడం ఖాయం. ఈ మారిన ట్రెండ్ ఇప్పుడు సరికొత్త ఉత్సాహానికి నాంది పలుకుతోంది. పుష్ప 2 ప్రభావంతో స్టార్ హీరోల ఈ మార్పు ఎంతవరకు కొనసాగుతుందో చూడాలి!