ఎప్పుడో ఒకప్పుడు తెలుగు, తమిళ, హిందీ చిత్రాల్లో తన నటనతో ప్రేక్షకులను మైమరపించిన అందాల భామ. ఇప్పుడు తన ప్రత్యేకమైన ఫోటోషూట్‌తో అభిమానులను ఆశ్చర్యపరుస్తోంది. టాలీవుడ్ టాప్ హీరోల సరసన నటించి క్రేజ్ తెచ్చుకున్న ఈ నటి ఎన్నో విమర్శలు ఎదుర్కొంటూ కూడా టాప్ హీరోయిన్‌గా ఎదిగింది. ఆమె ఎవరూ కాదు, లేడీ సూపర్ స్టార్ నయనతార. బిగ్ స్క్రీన్‌పై సత్తా చాటిన నయన్, ప్రస్తుతం ఫ్యామిలీ లైఫ్‌తో సంతోషంగా ఉంది.తాజాగా ఆమె సోషల్ మీడియాలో షేర్ చేసిన ఫోటోషూట్ మాత్రం అందరినీ ఆకర్షిస్తోంది. కొంతకాలంగా ఫోటోషూట్లకు దూరంగా ఉన్న నయన్, తన సహజ అందాన్ని ఎలివేట్ చేసేలా న్యాచురల్ లుక్స్‌తో అదరగొట్టేసింది.
ఆమె ఎంచుకున్న డ్రెస్సింగ్, ఎక్స్‌ప్రెషన్స్, ఫోటోగ్రఫీ థీమ్ అన్నీ చూసిన వాళ్లను కట్టిపడేస్తున్నాయి. ఈ ఫోటోలు వైరల్ అవుతుండటంతో నయనతార స్టైలిష్ లుక్స్‌పై సోషల్ మీడియాలో పాజిటివ్ రియాక్షన్లు వస్తున్నాయి. ఇక సినిమాల విషయానికొస్తే, నయన్ ప్రస్తుతం వరుస సినిమాలతో బిజీగా ఉంది. రీసెంట్‌గా షారుఖ్ ఖాన్‌తో కలిసి నటించిన ‘జవాన్’ హిట్ అవ్వగా, కుముద అనే ప్రాజెక్ట్ కూడా కంప్లీట్ చేసింది. త్వరలోనే ఆమె మన్నాగట్టి, డియర్ స్టూడెంట్స్, తని ఒరువన్ 2 వంటి చిత్రాల్లో కనిపించనుంది. జయంరవి సరసన నటించాల్సిన తని ఒరువన్ 2 కోసం కూడా ఫ్యాన్స్ ఎంతో ఆసక్తిగా ఎదురుచూస్తున్నారు. ఫ్యాన్స్ కోసం మరిన్ని ప్రాజెక్టులతో త్వరలోనే నయన్ స్క్రీన్‌పై సందడి చేయనుంది.