సుకుమార్: పుష్ప 2 కోసం దాదాపు మూడు సంవత్సరాలుగా సుకుమార్ మరియు ఆయన టీం అహర్నిశలు కష్టపడుతున్నారు. అల్లు అర్జున్ నటించిన ఈ చిత్రం మీద భారీ అంచనాలు నెలకొన్నాయి, దీంతో ప్రేక్షకుల హైప్‌ను నిలబెట్టుకునే విధంగా సుకుమార్ సినిమా కోసం విపరీతంగా ప్లాన్ చేస్తున్నాడు.
అయితే, పుష్ప 2 విషయంలో సుకుమార్ కొంత అసంతృప్తితో ఉన్నాడని ఓ వార్త సోషల్ మీడియాలో చక్కర్లు కొడుతోంది. డిసెంబర్ 5న సినిమా విడుదల కావాల్సిన పరిస్థితులు రావడంతో, సుకుమార్ తన ఆలోచనలను పూర్తి స్థాయిలో అమలు చేయలేకపోయాడని అంటున్నారు. కొన్ని కీలక సన్నివేశాలు ఇంకా పూర్తి కాలేదని, అలాగే ఒక ప్రత్యేక గీతం కూడా చిత్రీకరించాల్సి ఉందని సమాచారం. ఈ నేపథ్యంలో, ‘పుష్ప 2’ షూటింగ్‌ను వేగవంతం చేయాల్సిన పరిస్థితి ఉంది.
పుష్ప 1 తో పోల్చితే, పుష్ప 2 మరింత భారీ స్థాయిలో ఉండబోతుందని, పాన్ ఇండియా లెవెల్లో అంచనాలు మరింత పెరిగాయని సమాచారం. సుకుమార్ ఈ అంచనాలకు ఏమాత్రం తగ్గకుండా భారీ స్థాయిలో సినిమాను రూపొందిస్తున్నాడట. అలాగే, సినిమాలోని ప్రత్యేక గీతం కోసం శ్రీలీలను తీసుకోవడం జరిగింది. ఆమె పుష్ప 2 లో తన డ్యాన్స్‌తో అదరగొడుతుందని, ఆ పాట అద్భుతంగా ఉంటుందని ప్రేక్షకులు భావిస్తున్నారు డిసెంబర్ 5వ తేదీ దగ్గరపడుతుండగా, పుష్ప 2 కోసం మూడు సంవత్సరాలుగా ఎదురుచూస్తున్న అభిమానులకు మాస్ ఫీస్ట్ లభించనుంది. రష్మిక మందన్న ఈ చిత్రంలో కథానాయికగా కనిపించనుండగా, దేవి శ్రీ ప్రసాద్ అందించే సంగీతం మ్యూజిక్ లవర్స్ కు పండుగగా నిలుస్తుందని అంటున్నారు.