న్యూఢిల్లీ: కేంద్ర మంత్రి జితేంద్ర సింగ్ రాణా సోదరుడు, బీజేపీ ఎమ్మెల్యే దేవేంద్ర సింగ్ రాణా (59) గురువారం రాత్రి కన్నుమూశారు. ఆయన అనారోగ్యంతో కొంతకాలం బాధపడుతూ ఆసుపత్రిలో చికిత్స తీసుకుంటూ.. తుదిశ్వాస విడిచినట్లు కుటుంబసభ్యులు వెల్లడించారు.
జితేంద్ర సింగ్ చిన్న సోదరుడు అయిన దేవేంద్ర, ఇటీవల జరిగిన జమ్మూ కశ్మీర్ శాసనసభ ఎన్నికల్లో నగ్రోటా నియోజకవర్గంలో విజయం సాధించారు. జమ్మూ ప్రాంతంలో నేషనల్ కాన్ఫరెన్స్ అభ్యర్థి జోగిందర్ సింగ్‌ను 30,472 ఓట్ల తేడాతో ఓడించి గెలుపొందారు. 2014 ఎన్నికల్లోనూ ఇదే స్థానం నుంచి ఎన్సీ అభ్యర్థిగా గెలిచారు. డోగ్రా సమాజానికి చెందిన ఆయన బలమైన నేతగా ప్రసిద్ధి చెందారు.
కాగా, ఎమ్మెల్యే దేవేందర్ రాణా మరణం గురించి తెలిసిన వెంటనే అనేక రాజకీయ నాయకులు జమ్మూ గాంధీనగర్ ప్రాంతంలో ఆయన ఇంటికి చేరుకున్నారు. కేంద్ర మంత్రి జితేంద్ర సింగ్ రాణా కూడా ఈ దుర్ఘటన గురించి తెలుసుకున్న తర్వాత ఢిల్లీ నుంచి నాగరోటకు బయలుదేరారని సమాచారం. ప్రస్తుతం దేవేందర్ సింగ్ రాణా ఇంటి వద్ద చాలా మంది నాయకులు సంతాపం తెలిపేందుకు చేరుతున్నట్లు తెలుస్తోంది. జమ్మూ కశ్మీర్ లెఫ్టినెంట్ గవర్నర్ మనోజ్ సిన్హా కూడా ఆయన మృతి గురించి తెలిసి తీవ్రంగా దిగ్భ్రాంతికి గురైనట్లు తెలిపారు. ‘దేవేందర్ సింగ్ రాణా ఆకస్మిక మరణం నాకు బాధ కలిగించింది. ఆయన ఒక దేశభక్తుడు, ప్రజల సంక్షేమానికి అంకితభావంతో పని చేసిన నాయకుడు. ఆయన కుటుంబానికి నా ప్రగాఢ సంతాపం. ఓం శాంతి’ అని గవర్నర్ ట్విట్టర్ ద్వారా తెలిపారు.
ఎమ్మెల్యే దేవేందర్ రాణా మరణంపై జమ్మూ కశ్మీర్ ముఖ్యమంత్రి ఒమర్ అబ్దుల్లా, ఉపముఖ్యమంత్రి సురిందర్ కుమార్ చౌదరి, కాంగ్రెస్ ఎమ్మెల్యే గులామ్ అహ్మద్ మీర్, పిడిపి అధినాయకురాలు మెహ్‌బూబా ముఫ్తీ కూడా సంతాపం తెలిపారు.
బీహార్: ప్రముఖ రాజకీయ విశ్లేషకుడు, జన్ సూరజ్ పార్టీ వ్యవస్థాపకుడు ప్రశాంత్ కిశోర్ బీహార్ లోని బెలాగంజ్‌లో జరిగిన ఒక కార్యక్రమంలో పాల్గొన్నారు. ఈ సందర్భంగా ఆయన Read more
త్రిసూర్ పోలీసు శాఖ ఒక స్కామర్ చేసిన ప్రయత్నాన్ని అడ్డుకున్నట్లు ఒక హాస్యకరమైన సంఘటన జరిగింది. ఒక స్కామర్, ముంబై పోలీసు అధికారిగా పరిచయం చేసుకుని ప్రజలను Read more
ఏళ్ల తరబడి ఉద్యోగ నియామకాల కోసం ఎదురుచూస్తున్న 2008 డీఎస్సీ అభ్యర్థులకు హైకోర్టు ఉత్తర్వులతో శుభవార్త లభించింది. 1382 పోస్టుల భర్తీపై హైకోర్టు ధర్మాసనం విచారణ చేపట్టి, Read more
2025 జనవరి 5 న నిర్వ్హయించాలనుకున్న గ్రూప్-2 మెయిన్స్ పరీక్ష మరోసారి వాయిదా పడింది. గ్రూప్ -2 ఉద్యోగానికి సిద్దమయ్యే అభ్యర్థులకు అనుగుణంగా ఏపీపీఎస్సీ నిర్ణయం తీసుకుంది. Read more