రాష్ట్రపతి ద్రౌపది ముర్ము ఈ రోజు ఒడిశాలో నిర్వహిస్తున్న 18వ ప్రవాసీ భారతీయ దివస్ (పిబిడి) సదస్సు ముగింపు సమావేశంలో ప్రవాసీ భారతీయ సమ్మాన్ అవార్డులను ప్రదానం చేయనున్నారు. జనవరి 8న ప్రారంభమైన ఈ సదస్సు ముగింపు సమావేశంలో రాష్ట్రపతి ద్రౌపది ముర్ము ముఖ్య ప్రసంగం ఇవ్వనున్నారు.
గత గురువారం ఆమె భువనేశ్వర్ విమానాశ్రయానికి చేరుకున్నప్పుడు, గవర్నర్ హరి బాబు కంభంపతి, ముఖ్యమంత్రి మోహన్ చరణ్ మాఝీ, ఇతర రాజకీయ నాయకులు ఆమెకు ఘనస్వాగతం పలికారు. ఈ సదస్సు ముఖ్యంగా ప్రవాసీ భారతీయ సమ్మాన్ అవార్డుల ప్రదానం కోసం ప్రసిద్ధి చెందింది. ఈ సంవత్సరం వివిధ దేశాల నుండి 27 మంది వ్యక్తులు మరియు సంస్థలు ఈ గౌరవాన్ని అందుకోనున్నారు. అవార్డు గ్రహీతల పేర్లను విదేశాంగ మంత్రిత్వ శాఖ జనవరి 3న ప్రకటించింది.
అవార్డు గ్రహీతలలో బ్రిటన్‌కు చెందిన బారోనెస్ ఉషా కుమారి పరాషర్ (రాజకీయ రంగంలో), అమెరికాకు చెందిన డాక్టర్ షర్మిలా ఫోర్డ్ (సమాజ సేవలో), సౌదీ అరేబియాకు చెందిన డాక్టర్ సయ్యద్ అన్వర్ ఖుర్షీద్ (వైద్య రంగంలో) ఉన్నారు.
ప్రవాసీ భారతీయ దివస్ ప్రాముఖ్యత
జనవరి 9, 1915న మహాత్మా గాంధీ దక్షిణాఫ్రికా నుండి భారతదేశానికి తిరిగి వచ్చిన సందర్భాన్ని గుర్తించేందుకు ప్రతి సంవత్సరం ప్రవాసీ భారతీయ దివస్ జరుపుకుంటారు. ఈ మూడు రోజుల సదస్సులో ప్రతినిధులు పలు ప్లీనరీ సమావేశాల్లో పాల్గొన్నారు. బుధవారం యూత్ ప్రవాసీ భారతీయ దివస్ కార్యక్రమంతో ప్రారంభమైన ఈ సమ్మేళనం, ప్రపంచ వ్యాప్తంగా ఉన్న ప్రవాస భారతీయుల విజయం, కృషి, సంస్కృతిని హైలైట్ చేస్తుంది.
ప్రధానమంత్రి నరేంద్ర మోదీ గురువారం జనతా మైదాన్‌లో 18వ ప్రవాసీ భారతీయ దివస్ కార్యక్రమాన్ని లాంఛనంగా ప్రారంభించారు. ఈ సందర్భంగా ప్రపంచవ్యాప్తంగా రామాయణం వారసత్వం, ఒడిశా సంస్కృతిని హైలైట్ చేసే ప్రదర్శనలు ప్రారంభించబడ్డాయి. అంతేగాక, ప్రవాస భారతీయుల కోసం రూపొందించిన ప్రత్యేక రైలు ప్రవాసీ భారతీయ ఎక్స్ప్రెస్ తొలి ప్రయాణాన్ని కూడా ప్రధాని రిమోటు ద్వారా ప్రారంభించారు.
ప్రపంచానికి భారతదేశం శాంతి, సంస్కృతి, అభివృద్ధి సందేశం ఇస్తోందని, 2047 నాటికి భారతదేశాన్ని అభివృద్ధి చెందిన దేశంగా తీర్చిదిద్దడంలో ప్రవాసుల పాత్ర కీలకమని ప్రధాని మోదీ అన్నారు.
తిరుపతి-పాకాల-కాట్పాడి రైలు మార్గాన్ని విస్తరించేందుకు కేంద్రం గ్రీన్ సిగ్నల్ ఇచ్చింది. ప్రధాన మంత్రి నరేంద్ర మోదీ స్వయంగా ఈ విషయాన్ని సోషల్ మీడియాలో వెల్లడించారు.ఈ రూట్ డబ్లింగ్ Read more
ఝార్ఖండ్ అసెంబ్లీ ఎన్నికల ప్రచారంలో కాంగ్రెస్ పార్టీ తరపున తెలంగాణ ఉపముఖ్యమంత్రి మల్లు భట్టి విక్రమార్కను స్టార్ క్యాంపెయినర్‌గా ఏఐసీసీ నియమించింది. ఏఐసీసీ జనరల్ సెక్రటరీ కేసీ Read more
రోమన్ కాథలిక్ చర్చి 266వ పోప్ ఫ్రాన్సిస్ ఇవాళ 88 సంవత్సరాల వయసులో మరణించారు. ప్రపంచంలోనే అతిపెద్ద మతమైన క్రైస్తవుల అతిపెద్ద శాఖకు నాయకుడిగా పోప్ ఫ్రాన్సిస్ Read more
తిరుమలలో టీటీడీ ఆధ్వర్యంలో కార్తీకమాసం సందర్భంగా వనభోజన మహోత్సవం (Karthika Vanabhojanam) ప్రతీ ఏడాది విశేషంగా నిర్వహిస్తారు. ఈ ఏడాది నవంబర్ 17న ఈ మహోత్సవం నిర్వహించేందుకు Read more