ఢిల్లీ అసెంబ్లీ ఎన్నికల ప్రచారంలో భాగంగా ఆమ్ ఆద్మీ పార్టీ (ఆప్) చీఫ్ అరవింద్ కేజ్రీవాల్ ఆధ్వర్యంలోని కాన్వాయ్‌పై దాడి జరిగిందని ఆ పార్టీ ఆరోపించింది. ఈ ఘటన శనివారం నాడు న్యూఢిల్లీ అసెంబ్లీ నియోజకవర్గంలో చోటుచేసుకుంది. ఆప్ న్యూఢిల్లీ నియోజకవర్గంలో ఇంటింటి ప్రచారం నిర్వహిస్తున్నప్పుడు ఈ ఘటన జరిగింది. బీజేపీ ఈ ఘటనకు సంబంధించి కేజ్రీవాల్ వాహనం ఇద్దరు వ్యక్తులను ఢీకొట్టిందని పేర్కొంది. ఆప్ పార్టీ వాదన ప్రకారం, ఈ దాడి తాము చేపట్టే ప్రచారానికి ఆటంకం కలిగించేందుకు బీజేపీ చేసిన ఉద్దేశపూర్వక ప్రయత్నం అని తెలిపారు. ఆమ్ ఆద్మీ పార్టీ విడుదల చేసిన వీడియోలో కేజ్రీవాల్ వాహనంపై ఒక రాయి పడినట్లు కనిపిస్తోంది. ఈ ఘటనకు సంబంధించిన వీడియోలు సోషల్ మీడియా లో వైరల్ అవుతున్నాయి.
బీజేపీ నేత పర్వేష్ వర్మ ఈ సంఘటనపై స్పందిస్తూ, కేజ్రీవాల్ తన వాహనంతో ఇద్దరు యువకులను ఢీకొట్టారని తెలిపారు. బాధితులను లేడీ హార్డింగ్ ఆసుపత్రికి తరలించినట్లు పేర్కొన్నారు. ఈ ఘటనపై వారు మాట్లాడుతూ, “మీరు ప్రజల జీవితాలకు ప్రాధాన్యం ఇవ్వడం మర్చిపోయారు” అని ఆగ్రహం వ్యక్తం చేశారు. అరవింద్ కేజ్రీవాల్పై దాడి ఆరోపణలపై ఆప్ నాయకుడు మనీష్ సిసోడియా కూడా స్పందించారు, ఆప్ చీఫ్ను లక్ష్యంగా చేసుకోవడానికి బిజెపి గూండాలను పంపుతోందని ఆరోపించారు. “అరవింద్ కేజ్రీవాల్ ప్రచారం చేస్తున్న సమయంలో బీజేపీ అభ్యర్థి ప్రవేశ్ వర్మ గూండాలు ఆయనపై రాళ్లతో దాడి చేశారు. మీ పిరికిపంద దాడికి కేజ్రీవాల్ భయపడరు, ఢిల్లీ ప్రజలు మీకు తగిన సమాధానం ఇస్తారు “అని ఆప్ ట్వీట్ చేసింది.
ఈ సంఘటనకు సంబంధించిన మరిన్ని వివరాలు మరియు వీడియోలను ఆప్ పార్టీ విడుదల చేసిన తర్వాత, ఢిల్లీ పోలీసులు మాత్రం దాడి జరగలేదని స్పష్టం చేశారు. లాల్ బహదూర్ సదనంలో అరవింద్ కేజ్రీవాల్ బహిరంగ సభ నిర్వహిస్తుండగా, కొంతమంది బీజేపీ కార్యకర్తలు ప్రశ్నలు అడగాలనుకున్నారు. దీని తర్వాత రెండు వర్గాలు నినాదాలు చేయడం ప్రారంభించాయి, దీంతో పోలీసులు జోక్యం చేసుకుని పరిస్థుతిని నియంత్రించారు. ఫిబ్రవరి 5న జరగబోయే ఢిల్లీ అసెంబ్లీ ఎన్నికలలో న్యూ ఢిల్లీ నియోజకవర్గం కీలకమైన యుద్ధభూమిగా మారింది. కేజ్రీవాల్ ఈ నియోజకవర్గం నుండి పోటీ చేస్తుండగా, బీజేపీ నేత పర్వేష్ వర్మ, కాంగ్రెస్ నుండి సందీప్ దీక్షిత్ కూడా పోటీ చేస్తున్నారు.
పెరుగుతున్న ఆర్థిక మోసాల‌ను ఆరిక‌ట్టేందుకు రిజ‌ర్వ్ బ్యాంక్ ఆఫ్ ఇండియా (ఆర్‌బీఐ) తాజాగా కీలక నిర్ణయం తీసుకుంది. భారత బ్యాంకుల వెబ్ డొమైన్ ఇక నుంచి బ్యాంక్.ఇన్ Read more
న్యూజిలాండ్ ప్రధాని క్రిస్టోఫర్ లక్సన్ భారత పర్యటనలో ప్రధాని నరేంద్ర మోదీతో భేటీ సందర్భంగా ఆసక్తికర సంఘటన చోటుచేసుకుంది. లక్సన్, ఐసీసీ ఛాంపియన్స్ ట్రోఫీ 2025లో న్యూజిలాండ్‌పై Read more
తెలంగాణ రాష్ట్ర బడ్జెట్ సమావేశాలు నేటి నుండి ప్రారంభం కానున్నాయి. ఈ సమావేశాలు ప్రస్తుత ఆర్థిక సంవత్సరం కోసం ప్రభుత్వ విధానాలను, ప్రణాళికలను ప్రకటించేందుకు కీలకంగా మారనున్నాయి. Read more
ఉక్రెయిన్‌లో రష్యా యుద్ధానికి ఉత్తర కొరియా నాయకుడు కిమ్ జోంగ్ ఉన్ మద్దతు ఇచ్చారు. ఉన్నత అధికారితో జరిగిన చర్చల్లో ఆయన ఈ విషయాన్ని వెల్లడించారు. ఉత్తర Read more