అరెస్ట్ నేపథ్యంలో సినీ నటుడు అల్లు అర్జున్ హైకోర్టులో అత్యవసర పిటిషన్ దాఖలు చేశారు. ఇప్పటికే క్వాష్ పిటిషన్ దాఖలు చేశామని, దీనిని అత్యవసరంగా విచారించాలని కోరారు. అయితే మధ్యాహ్నం చెబితే ఎలా అంటూ హైకోర్టు పిటిషన్‌ను అత్యవసరంగా విచారించేందుకు నిరాకరించింది. అయితే తదుపరి విచారణను సాయంత్రం 4 గంటలకు వాయిదా వేసింది.
ఎలాంటి చర్యలు తీసుకోకుండా..
సోమవారం వరకు ఈ కేసులో ఎలాంటి చర్యలు తీసుకోకుండా పోలీసులను ఆదేశించాలని అల్లు అర్జున్ న్యాయవాది నిరంజన్ రెడ్డి కోర్టును కోరారు. అయితే పోలీసుల నుంచి వివరాలు సేకరించిన తర్వాత కోర్టుకు సమాచారం ఇస్తానని ప్రభుత్వ న్యాయవాది హైకోర్టుకు తెలిపారు. సాయంత్రం నాలుగు గంటలకు వివరాలు సమర్పిస్తామని ప్రభుత్వ న్యాయవాది తెలిపారు. దీంతో తదుపరి విచారణను సాయంత్రం 4 గంటలక వాయిదా వేశారు.
సంధ్య థియేటర్ ఘటనలో అల్లు అర్జున్‌ను చిక్కడపల్లి పోలీసులు అరెస్ట్ చేసిన విషయం తెలిసిందే. ఈ క్రమంలో అల్లు అర్జున్ దాఖలు చేసిన క్వాష్ పిటిషన్‌పై విచారణ కోసం ఆయన న్యాయవాది ప్రయత్నాలు చేశారు. అత్యవసరంగా పిటిషన్‌ను విచారించాలని హైకోర్టును కోరారు. ఈ పిటిషన్‌ను బుధవారం వేశామని కోర్టు దృష్టికి తీసుకు వెళ్లారు.
ఈ సమయంలో లంచ్ మోషన్ సరికాదు హైకోర్టులో
అయితే అత్యవసర పిటిషన్ అయితే ఉదయం గం.10.30కే మెన్షన్ చేయాలి కదా అని కోర్టు… అల్లు అర్జున్ న్యాయవాదిని ప్రశ్నించింది. క్వాష్ పిటిషన్ అంశాన్ని పోలీసుల దృష్టికి కూడా తీసుకెళ్లామన్నారు. పరిస్థితుల దృష్ట్యా లంచ్ మోషన్ పిటిషన్‌గా స్వీకరించాలని పిటిషనర్ కోరారు. మధ్యాహ్నం గం.1.30 సమయానికి లంచ్ మోషన్ పిటిషన్ విచారణ కోరడం సరికాదని పీపీ తెలిపారు.
అవును అల్లు అర్జున్‌ను అరెస్ట్ చేశాం: సీపీ సీవీ ఆనంద్
కాగా, అల్లు అర్జున్ అరెస్ట్ ను పోలీసులు నిర్దారించారు. సంధ్య థియేటర్ ఘటనలో అల్లు అర్జున్‌ను అరెస్ట్ చేశామని నగర పోలీస్ కమిషనర్ సీవీ ఆనంద్ తెలిపారు. గాంధీ ఆసుపత్రిలో వైద్య పరీక్షలు నిర్వహిన్నట్టు లా అండ్ ఆర్డర్ సీపీ విక్రమ్ సింగ్ మాన్ వెల్లడించారు. వైద్య పరీక్షల అనంతరం అతనిని కోర్టులో హాజరుపరుస్తామని వెల్లడించారు. ఈ కేసులో ఎవరి ప్రమేయం కానీ, రాజకీయం లేదని, చట్టప్రకారం తాము ముందుకు వెళుతున్నామని ఆయన అన్నారు.
రష్యా అధ్యక్షుడు వ్లాదిమిర్ పుతిన్ నవంబర్ 28, 2024న ఉక్రెయిన్ రాజధాని కీవ్ పై తన తీవ్ర హెచ్చరికను ప్రకటించారు. ఉక్రెయిన్‌కు చెందిన "డెసిషన్ -మేకింగ్ సెంటర్స్"ని Read more
ఆంధ్రప్రదేశ్ డిప్యూటీ సీఎం శ్రీ పవన్ కళ్యాణ్‌ను ఉద్దేశించి తాను ఏదో అన్నట్లు సామాజిక మాధ్యమాల్లో జరుగుతున్న తప్పుడు ప్రచారంపై టీటీడీ చైర్మన్ బీఆర్ నాయుడు స్పందించారు. Read more
ఢిల్లీ అసెంబ్లీ ఎన్నికల్లో కాంగ్రెస్ పార్టీకి ఆశించిన స్థాయిలో ఫలితాలు రాబోవని ఎగ్జిట్ పోల్స్ స్పష్టంగా సూచిస్తున్నాయి. బీజేపీ, ఆమ్ ఆద్మీ పార్టీ (AAP) మధ్య ప్రధాన Read more
హైదరాబాద్‌: కాంగ్రెస్ అగ్రనేత రాహుల్ గాంధీ రాష్ట్ర అసెంబ్లీ ఎన్నికల ముందు హైదరాబాద్‌లోని అశోక్ నగర్‌లో నిరుద్యోగ యువతను కలిసిన విషయం తెలిసిందే.ఎన్నికల ప్రచారంలో భాగంగా రాహుల్ Read more